Uski Dehleez Par Sadiyon Se Khara Hoon Mohsin

Wo Jo Khud Pairvi.E.Ehed.E.Wafa Karta Tha.. 
Mujhse Milta Tha Tou Talqeen.E.Wafa Karta Tha.. 

Uske Daman Main Koi Phool Nahi Meray Liye.. 
Jo Meri Tangi.e.Damaan Ka Gila Karta Tha.. 

Aaj Jo Usko Bulaya Tou Wo Gumsum He Raha.. 
Dil Dhadaknay Ki Jo Awaz Suna Karta Tha.. 

Uski Dehleez Par Sadiyon Se Khara Hoon Mohsin 
Mujhsay Milnay Ko Jo Lamhaat Gina Karta Tha..