Kuch din say teray sath koi baat nahi hai

Kuch din say teray sath koi baat nahi hai 
Yun lagta hai sadiyun say mulaqat nahi hai.. 

Dukh dard sunao mujhay her baat batao 
Ye dil ki khwahish hai meri baat nahi hai.. 

Jab yaad teri aaye to aa jatay hain aansu 
Main kaisay kahon aankh mein barsaat nahi hai.. 

Sookhay huay kuch phool hain aur ashk hain taza 
Kuch aur meray paas soghaat nahi hai.. 

Waqif hai meray dard say subah ka ujaala 
La ilm meray gham say meri raat nahi hai.. 

Main jis ki mohabbat mein yun bay haal hoon FARAZ 
Wo hans kay ye kehta hai koi baat nahi hai..