Chaak kar leta hai wehshat mein garebaan apna.
Hosla dil mein hai mazboot hai imaan apna
Kya bigaare gi bhala gerdish e dauraan apna.
Aafaten chhupti phiren gosha e gumnaami mein
Us ki rehmat jo kushaada kare damaan apna.
Dost se dosti dushman se rawadaari ho
Sulh e kul raah e amal ay dil e naadaan apna
Jab se ik ghairat e naaheed ki dekhi hai jhalak
Dil usi waqt se rehta hai ghazal khuwaan apna.
Raah mein aap ki hum phool bichhaate hi rahe
Aur kaanton mein ulajhta raha damaan apna.
Husn un ka hai shabaab un ka bahaaren un ki
Haath apna hai junoon apna garebaan apna.
Saare tadbeer k faanoos chatakh jaen ge
Bujh hi jaye ga charagh e teh e daamaan apna.
Kya sada uthti hai ab dil se khuda khair kare
Chhairne ko hai koi taar e rag e jaan apna.
Din ba din qeemat e insaan giri jaati hai
Khoon afsoas huwa jata hai arzaan apna
Mere ajdad mein hain Shedaai o khasta Ahsan
In charaghon hi se roshan hai qalamdaan apna.
EmoticonEmoticon