MOhabbaton Main Mila Yahi hai..

Wo Baad e Muddat K Jab Mila TO.. 
Uss Ne Pocha.. 

Ye Khushk Zulfain.. 
Ye BheeGi Palkain.. 
Ye Dasht Aankhain.. 
Ye Kaasni Lab.. 
Kidhar Ganwaye.. 

Wo Shokh Aankhain.. 
Wo Narm Batain.. 
Wo Surkh Aariz.. 
Wo Garm Saansain.. 
Wo Khil K Hansna.. 
Wo ChehChahana.. 

Kiya Hua Hai.. 
Kidhar Gaya Sab.. 

TO Me Ye Bola.. 
Muhabbaton Ka Hasool Hai Ye.. 
Aur Wafa Ka Sila Yahi Hai.. 
Lutta K Sapne.. 
Ganwa K Aankhain.. 
MOhabbaton Main Mila Yahi hai..