Dil me mehak rahe hain kisi aarzoo ke phool
Palkon pe khilne wale hain shayad lahoo ke phool
Ab tak hai koi baat mujhe hurf hurf yaad
ab tak mai chun raha hun kisi guftugu ke phool
Kaliyan chatak rahi thin ke awaz thi koi
ab tak sama_aton me hain ik khush gulu ke phool
Mere lahoo ka rang hai har noke khaar par
sehraa me har taraf hain meri justuju ke phool
Deewane kal jo log the phulon ke ishq me
ab unke damano me bhare hain rafoo ke phool
EmoticonEmoticon