Kahne Sun'nay Sy Na Apas Main Safai Hogi,

Kahne Sun'nay Sy Na Apas Main Safai Hogi,
Kuch Kaha Hum Ny To Bigro Gay Larai Hogi.*
.
Chashm E Sahra Main Nazar Aaye Nami K Aasaar,
Haan Sabab Iska Meri Ablaa Paai Hogi.*
.
Bas Yahi Soch K Lab Basta Hai Tere Khamosh,
Monh Say Niklegi Agar Baat Parai Hogi.*
.
Mere Naalon Main Tha Armano Ka Maatum Shamil,
Raat Bhar Neend Kahan Kal Inhain Aai Hogi.*
.
Kuch To Tab'aan Bhi Thay Shola Rawish O Garam Mizaaj,
Yaar Logon Nay Bhi Kuch Aag Lagai Hogi.*
.
Yun Khula Hai Na Khulay Ga Ye Mu'aam Dil Kaa,
Zulf Suljhao Gay To Uqdaa Kashaai Hogi.*
.
Iltifat E Nigya E Yar Ye Kehta Hai "Naseer",
Uski Mehfil Main Kabhi Apni Rasai Hogi.