Apny hathon sy bAna kar kashtiyan
Barish ki sham
Main ny pani me baha deen chithiyan
Barish ki sham
Dil k dAftar me wo manzar aaj b mehfooz hy
Garm coffee, baalcony, sardiyan,
Barish ki sham
Yad aateen hain mujy aksar diyar e ghair me
Maan ki mamta, baajry ki rotiyan,
Barish ki sham
Raqs me hy qasAr e shahi, jashan hy bArsaat ka
Kya karen kachy gharon ki bastiyan
Barish ki sham
Jis qadar ye aasmaan roya me roya us qadar
Dhul gaeen sab dil shajar ki tehniyaan
Barish ki sham
Sari gallyaan, sary koochy, baam o dar sunsan hain
Aor hain aabad sari khirrkiyaan
Barish ki sham...!!
EmoticonEmoticon