Malaal Kartay Rahay Waqt K Guzarnay Ka,

Malaal Kartay Rahay Waqt K Guzarnay Ka, 
Yahi To Kaam Bacha Tha Hamaaray Karnay Ka. 

Hai Kaar-e-Ishq Wo Neki K Umr Bhar Ham Ko, 
Sawaab Milta Rahay Ga Kisi Pe Marnay Ka. 

Qareeb Gaaon Nahi, Raah Mein Bhi Chhaon Nahi, 
Koi Jawaaz Nahi Hai Mere Thehrnay Ka. 

Ajeeb Nasha Hai Ghyre ! Ye Hosh-Mandi Bhi, 
Kisi Tarah Bhi Ye Nasha Nahi Utarnay Ka. 
Poet: Kashif Ghyre