Samundar K Takallum Ko Bhi Jis Par Naaz Hota Hai
Mahabbat Kya, Ibaadat Kya K Main Do Kashtiyon Mein Hoon
Na Kuch Anjaam Hota Hai, Na Kuch Aaghaaz Hota Hai
Khuda Naraaz Hota Hai, Agar Sajda Karon Tujh Ko
Khuda Ki Maan Loon To TU Nazar Andaaz Hota Hai
Mere Ahbaab Ka Ta'ana K Teray Kaan Bajtay Hain
Mujhe Lagta Hai, Sannata Bhi Jaisay Saaz Hota Hai
Sar-e-Rah Youn Paraayi Pot'Li Khola Nahi Kartay
Bharam Ki Band Gutharri Mein Kisi Ka Raaz Hota Hai
Jisse Sayyad Say Barrh Kar Shikam Ki Fikr Khaati Ho
Wo Daana Chorr Kar Kab Maa'eil-e-Parwaaz Hota Hai
Hamaari Maslhat Koshi Hamein Barbaad Kar De Gi
Bhala Bethay Bethaye Bhi Koi Aijaaz Hota Hai?
Main Izzat Baig Say Ruswaai Ka Tamgha Urra Laaya
Shuru-e-Ishq Mein Ye Bhi Barra Aizaaz Hota Hai
Poet: Rana Saeed Doshi
EmoticonEmoticon