Itnay mehngay khwab na dekho Thak jao gi...
Kaanch say nazuk khwab tumharay
Toot gaye to pachhtao gi..
Soch ka sara ujla kundan Zabt ki raakh mein khul jaye ga..
Kachay pakkay rishton ki khushboo ka resham Khul jaye ga..
Tum kya jaano Khwab safar ki dhoop k teshay..
Khwab adhoori rat ka dozakh..
khwab khyalon ka pachhtawa..
Khwabon ki manzil ruswai Khwabon ka hasiL Tanhai..
Tum kya jaano Mehangay khwab khareedna hon to..
Aankhein baichna parti hain..
Ya rishtay bhoolna partay hain..
Andeshon ki rait na phaanko pyas ki oat saraab na dekho..
Itnay mehangay khwab na dekho Thak jao gi..
Pagal ankhon wali larki..
Itnay mehangay khwab na dekho..
Thak jao gi...Teri Yaadon Mein Dooba Kab Se Alag Betha Hon..
Teri Dehleez Pe Hon Sab Se Alag Betha Hon..
Dhang Ki Baat Kahe Koi To Bolon Main Bhi..
Matlabi Hon, Kisi Matlab Se Alag Betha Hon..
Bazm.e.Ehbaab Se Hasil Na Hua Chain Mujhe..
Mutmaen Dil Hai Jab Se Alag Betha Hon..
Umar Karta Hon Basar Gosha.e.Tanhai Mein..
Jab Se Wo Rooth Gae Tab Se Alag Betha Hon..
Mera Andaaz Ehl.e.Jahan Se Juda Hai..
Sab Mein Shamil Hon Magar Sab Se Alag Betha Hon..
EmoticonEmoticon