Paayal Pahen K Jhomnay Ganay Lagi Hun

Paayal Pahen K Jhomnay Ganay Lagi Hun 
Uski Tarf Say Khud Ko Mananay Lagi Hun 

Anchal Ko Khench Kar Kabhi Churi Ko Tor Kar 
Kis Kis Tarha Khud Ko Satanay Lagi Hun 

Lagta Hai Mujh ko Us Say Mohabbat Nahi Rahi 
Us Say Har Aik Baat Chupanay Lagi Hun 

kiyun Tujh Say Mera Pyar Chupaya Nahi Gaya 
Tujh May Kisi Ko kiyun Nazar Aanay Lagi Hun 

Lainay Lagi Hun Khud Say Mohabbat Ka Intiqam 
Teray Sabhi Khaat Jalanay Lagi Hun 

Logo Ko Is Liay Bhi Meri Fikar Parr Gayi 
Apna Alag Chiragh Jalanay Lagi Hun 

Jab Us ka Sath Day Nahi Sakna Mujhay 
Phir Kiyun Kisi Ki Aas Bandhnay Lagi Hun