Meri Aadhi umar Guzar gayi..

Younhi Be yaQeen Younhi Be nishaan Meri Aadhi umar Guzar gayi.. 
Kahein ho na jaon main Rayigaan Meri Aadhi umar guzar gai.. 

Kabhi saibaan na tha boham kabhi kehkashaan thi Qadam Qadam.. 
Kabhi Be Makaan kabhi La Makaan Meri Aadhi umar guzar gayi.. 

Tery wasL ki jo Naveed hay wo Qareeb hay k Bayeed hay.. 
Mujhy kuch khabar to jan e jaan meri Aadhi umar guzar gayi.. 

Kabi zikar e hurmat o Harf mein kabhi fikar e Aamd o sarf mein.. 
Younhi RizQ o ishQ k darmyaan meri Aadhi umar guzar gayi.. 

Kabhi mujhko Fikar e Muaash hay kabi ap apni taLash hay.. 
Koi gur bata meray nukta daan meri Aadhi umar guzar gayi.. 

Usay paa Liya usay kho diya kabhi hans diya kabhi ro diya.. 
Barri mukhtasir C hay daastaan meri Aadhi umar guzar gayi.. 

Kahan Kayinaat mein ghar karon main ye soch Lon to safar karon.. 
Issi soch mein tha k Na Gehaan Meri Aadhi umar guzar gai..